Hamrohealth

प्यूठानमा ड्रोनमार्फत खकार संकलन लागि ‘ड्रोट्स’ परियाेजना आरम्भ

प्यूठान : प्यूठानका दुई स्थानीय तहमा नयाँ प्रविधिबाट स्वास्थ्य परीक्षणका लागि ड्रोट्स यन्त्र सञ्चालन भएको छ। प्यूठान र स्वर्गद्बारी नगरपालिकामा ड्रोट्स नेपाल परियोजना लागू भएको हो। 

नेपाल सरकार स्वास्थ्य तथा जनसंख्या मन्त्रालय, स्वास्थ्य समन्वय महाशाखाका प्रमुख महेन्द्र श्रेष्ठले कार्यक्रमको उद्घाटन गरेका हुन्। प्यूठानका दुई स्थानीय तहमा पाइलट परियोजनाको रुपमा यो परियोजना सञ्चालन भएको जिल्ला स्वास्थ्य कार्यालयका प्रमुख विशाल सुवेदीले जानकारी दिए। नयाँ प्रविधिबाट क्षयरोगका विरामी पत्ता लगाउन र बिरामीलाई उचित उपचारमा ल्याई न्यूनीकरणमा सघाउ पुर्‍याउने उद्देश्यसहित नेपालमा पहिलो पटक यो पाइलट परियोजना सञ्चालन गरिएको हो।

‘नयाँ प्रविधिले दुर्गम बस्तीमा पुगेर खकार लिई विरामीलाई सहजता ल्याउने अपेक्षा छ’ प्रमुख सुवेदीले भने ‘यो प्यूठानका दुई स्थानीय तहमा परीक्षण परियोजना हो।’ गाउँ गाउँमा स्वास्थ्य स्वयंसेवीकाको माध्यमबाट विरामीको खकार संकलन गरी ड्रोनमार्फत ढुवानी गरिने छ। 

पछिल्लो समय क्षयरोगले धेरै व्यक्ति संक्रमित भएका कारण यस्को निवारण गर्न अत्यावश्यक छ। क्षयरोग परीक्षणका लागि नेपाल सरकारले चेक जाँच, औषधि उपचार र पोषण भत्ता समेत निशुल्क सेवा प्रदान गरेको छ। निशुल्क पाइने सेवा सुविधा भएका कारण यसको निवारणमा सहज हुने विश्वास लिइएको प्रमुख सुवेदीको भनाई छ। 

सन् २०५० सम्म नेपालबाट क्षयरोग अन्य गर्ने उद्देश्यसहित नेपाल सरकारले क्षयरोग विरुद्धका विविध कार्यक्रमहरू सञ्चालन गर्दै आएको स्वास्थ्य तथा जनसंख्या मन्त्रालय, स्वास्थ्य समन्वय महाशाखाका प्रमुख श्रेष्ठले जानकारी दिए। स्थानीय भाषामा यसलाई टि.भी पनि भनिन्छ।

‘ड्रोट्स नेपाल परियोजनाले क्षयरोग नियन्त्रणका समस्या तथा चुनौतीलाई निदान गर्नेछ’ महाशाखाका प्रमुख श्रेष्ठले भने ‘भौगोलिक रुपमा विकट मानिने दुर्गम वस्तीका जनसमुदायमा यस परियोजनाले सर्वसुलभ माध्ययम बन्ने छ।’ यसकालागि स्वयंसेवीलाई गाउँगाउँ पठाइ खकारको नमुनाजम्मा गर्ने र ड्रोट्सबाट औषधि खकार ढुवानी गरी समयमै रोग पत्तालगाउन सकिने उपेक्षा गरिएको छ। 

ड्रोट्स कार्यक्रमले क्षयरोग, यसको रोगथाम र नियन्त्रण सम्बन्धी समुदायको जागरुकतामा बृद्धि गराउने, क्षयरोग पत्तालाग्ने दरमा बृद्धि, क्षयरोगको उपचार सफलता दरमा बृद्धि, क्षयरोग नियन्त्रण र व्यवस्थापनकालागि सम्बन्धित सरोकारवालाको संलग्नतामा बृद्धि गरी क्षयरोग अन्त्य गर्ने उपेक्षा राखेको जिल्ला जनस्वास्थ्य कार्यालयले जनाएको छ।

गतआवमा प्यूठान जिल्लामा ३८९ जना क्षयरोगका विरामी भेटिएको जिल्ला स्वास्थ्य कार्यालयमा तथ्यांक छ। यसमध्ये प्यूठान नगरपालिकामा ८१ जना र स्वर्गद्बारी नगरपालिकामा ६१ जना क्षयरोगका विरामी छन्। क्षयरोग सरुवा रोग भएकोले एकजना व्यक्तिले १० जना सम्मलाई सहज सार्ने सक्ने हुँदा एक पटक सबैले स्वास्थ्य परीक्षण गरी औषधि सेवन गर्नुपर्ने स्वास्थ्यकर्मीको भनाई छ। 

ड्रोनले के के गर्छ ? 

ड्रोट्स परियोजनामार्फत सञ्चालनमा ल्याइएको ड्रोनले प्यूठान नगरपालिका र स्वर्गद्बारी नगरपालिका भित्रका गाउँमा गइ स्वास्थ्य स्वयंसेवीकाले जम्मा गरेका खकारको ढुवानी गरी अस्पतालसम्म ल्याउने व्यवस्था रहेको छ। करिव ७ के.जी ढुवानी गर्न सक्ने यी प्रविधिले स्वास्थ्यकर्मी र ग्रामीण समुदायका बृद्धबृद्धा, असहाय लगायतलाई सहजता ल्याउने छ। यसले क्षयरोग परीक्षणमा सर्वसुलभ माध्ययम बन्ने अपेक्षा पनि गरिएको छ।

स्रोत थाहा खबर

स्वास्थ्यमा समायोजन अपडेट: आफ्नो विवरण http://samayojan.gov.np/ वेबसाईटमा हेर्न सकिने लगायत …..

धेरै लामो समय देखि समायोजन भएर पनि स्वास्थ्य तर्फका कर्मचारीहरुको गुनासो सम्बोधन गर्न माग गरेको निवेदन उपर भएको परिमाण सार्बजनिक हुन नसकेको बेला आम स्वास्थ्य कर्मीहरु बिच विभिन्न अड्कलबाजि भैरहेका छ्न !

यस बिषयमा समायोजन महाशाखा, सामान्य प्रशासन मन्त्रालय पुगेर बुझ्दा श्रोतले भन्यो लगभग सम्पुर्ण तयारी पूरा भै सकेको छ ! हिजो बाट स्वास्थ्य तर्फका सम्पुर्ण कर्मचारीहरु ले आफ्नो विवरण http://samayojan.gov.np/ मा गएर हेर्न सक्नुहुनेछ ! यदि वेबसाईट कसैको विवरण छैन भने उहाँ ब्यबस्थापन हुदैछ या गुनासो वा संसोधनमा परेको हुन सक्छ !

श्रोतले बतायो : नेपालकै निजामतीहरुको ठुलो हिस्सा समेटेको स्वास्थ्य क्षेत्रको समायोजन सक्नु, न्यायोचित ब्यबस्थापन गर्नु चुनैतीको बिषय हो ! स्वास्थ्यमा पछिल्लो चोटि देखिदै आएको तहगत विवाद र दरबन्दी सृजना लगायतका बिषयलाई लिएर दिनौ जसो स्वास्थ्य सेवाको कुनै न कुनै समुह बिज्ञापति लिएर आउने गर्छ्न ! संगै स्वास्थ्य सम्बद्ध ट्रेड युनियनहरु त कहिले माननीयहरु कै साथ दवाव दिन उपस्थित हुने गरेको पनि श्रोतले जानकारी दियो !

श्रोत भन्छ : स्वास्थ्य तर्फको समायोजन अब क्रमशः पहिला गुनासो सम्बोधन, संसोधित समायोजनको लिस्ट सार्बजनिक र पछि समायोजनको पत्र क्रमशः १० औं हुँदै सहायक स्तर सम्म आउने तयारी रहेको बताएको छ !

साभार

बालबालिकालाई उमेर समूह अनुसार थप खाना कसरी खुवाउने हरेक आमाबुवाहरूले जान्नै पर्ने तरिका।

बालबालिकालाई उमेर समूह अनुसार पुरक वा थप खाना खुवाउने तरिका

६देखि९ महिना सम्मको बालबालिकालाई आमाको दुधको साथै दिनमा ३ पटक पुरक खाना खुवाउनु पर्छ । खाना सुरु गर्दा २देखि ३ चम्चाबाट शुरु गर्नुपर्छ बिस्तारै एक पटकमा १ चिया गिलास बराबर सम्मको खाना खुवाउनु पर्छ ।

९ देखि १२ महिनाको बालबालिकालाई आमाको दुधको साथै दिनमा ३ पटक पुरक खाना र एकपटक खाजा खुवाउनु पर्छ। हरेक पटकमा १ चिया गिलास (१२५ मि.लि)बराबर सम्मको खाना खुवाउनु पर्छ ।

१२ देखि २४ महिनाको बालबालिकालाई आमाको दुधको साथ साथै दिनमा ३ पटक पुरक खाना र २ पटक खाजा खुवाउनु पर्छ। हरेक पटकमा २ चिया गिलास (२५० मि.लि)बराबर सम्मको खाना खुवाउनु पर्छ ।

@ बालबालिकालाई खुवाउने खाना बाक्लो र राम्ररी मिचेर नरम बनाएको हुनुपर्छ ।

@बालबालिकालाई खाना खुवाउन सुरु गर्दा सजिलैसँग खान नमान्ने हुन सक्छन तेसैले उनिहरुको तोकिएको मात्रा पूरा खुवाउनको लागि परिवरको सम्पुर्ण सदस्यहरुको सहयोगमा बालबालिकालाई खेलाएर डुलाएर घुमाएर फकाएर धैर्यतापुर्वक खाना खुवाउनु पर्दछ ।

स्वास्थ्य चौकीको कर्मचारी आवास भवन निर्माण सम्झौता भएको ४ वर्षपछि निर्माण कार्य सम्पन्न भइ उद्घाटन तथा हस्तान्तरण।

वागमती गाउँपालिका वडा नं ६ , आश्राङ मा अवस्थित आश्राङ स्वास्थ्य चौकीमा नवनिर्मित २ परिवार अनमी आवास भवनको हस्तान्तरण तथा उद्घाटन कार्यक्रम सम्पन्न भएको छ।

वागमती गाउँपालिका वडा नं ६ , आश्राङ मा अवस्थित आश्राङ स्वास्थ्य चौकीमा नवनिर्मित २ परिवार अनमी आवास भवनको हस्तान्तरण तथा उद्घाटन कार्यक्रम सम्पन्न भएको छ।

मिति २०७१/६/३० मा निर्माण सम्झौता भएको भवनको ठेक्का शान्ति देवि ब्रह्मायणी ज्वाइन्ट भेन्चर ले लिएको थियो। उक्त निर्माण कम्पनीले सो भवनको काम समयमा सम्पन्न गर्न नसकेर केहि समय निर्माण कार्य ठप्प रहेको र हाल आएर २०७५ माघ देखी अर्को तेस्रो निर्माण व्यवसायी सानोकान्छा लोप्चन (प्रेम लामा) लाइ जिम्मा दिइएको कुरा शहरी विकास तथा भवन निर्माण विभागका सिनियर डिभिजनल इन्जिनियर लीला खतिवडा ले बताउनुभयो ।

आज सम्पन्न भवन हन्तान्तरण तथा उद्घाटन कार्यक्रमको सन्चालन आश्राङ स्वास्थ्य चौकी प्रमुख अरविन्द कुमार शाहीले गर्नुभएको थियो भने कार्यक्रममा शहरी विकास तथा भवन निर्माण विभागका सिनियर डिभिजनल इन्जिनियर लीला खतिवडा, वागमती गाउँपालिका स्वास्थ्य संयोजक राजकुमार सापकोटा, बागमती गा.पा.-६ नम्बर वडाध्यक्ष लाल बहादुर भोम्जन, निर्माण व्यवसायी लगायत स्वास्थ्य संस्था सन्चालन तथा व्यवस्थापन समितीका पदाधिकारीहरु, ९ वटै वडाका महिला स्वास्थ्य स्वयंसेविकाहरु र आश्राङवासीहरु को उपस्थिति रहेको थियो ।
नवनिर्मित भवनको उद्घाटन आश्राङ स्वास्थ्य चौकी सन्चालन तथा व्यवस्थापन समिति अध्यक्ष लाल बहादुर भोम्जनले गर्नुभएको थियो।साथै कार्यक्रममा भवन निर्माणमा महत्त्वपूर्ण भुमिका निर्वाह गर्ने शहरी विकास तथा भवन निर्माण विभाग, निर्माण कम्पनी र निर्माण व्यवसायी लाइ स्वास्थ्य चौकी सन्चालन तथा व्यवस्थापन समितिले सम्मान पत्र समेत प्रदान गरेको थियो ।


स्वास्थ्य सेवामा नयाँ चमत्कार प्युठानमा एसीयामै पहिलो ड्रोट्स परियोजना सूरु हुदै ।

प्यूठान । प्यूठानको दुई वटा नगरपालिकामा एसीयामै पहिलो पटक ड्रोट्स नेपाल परियोजना सञ्चालनहुने भएको छ ।
प्यूठान नगरपालिका र स्वर्गद्धारी नगरपालिकामा ड्रोट्स नेपाल परियोजना सञ्चालन हुने भएको हो ।

स्वास्थ्यकर्मीहरुलाई नयाँ प्रविधिबाट क्षयरोगकाविरामीहरु पत्तालगाउन र बिरामीहरुलाई उचितउपचारमा ल्याई क्षयरोग न्यूनिकरणमा सहयोग पुग्ने उदेश्यले एसीयामै पहिलो पटक प्यूठानबाट उक्त परियोजना सुरु भएको जिल्ला जनस्वास्थ्य प्रमुख विशाल सुवेदीले जानकारी दिए ।

‘यो एक प्रायोगिक पाईलट कार्यक्रम हो ।’ सुवेदीले भने–‘यो मेसिनले दुर्गम बस्तीका स्वास्थ्य चौकीमापुगेर जम्मा भएका खकारहरु ल्याएर आउने गर्छ ।’स्वयम सेवीकाहरुले गाउँ बस्तीमा पुगेर विरामी संकलन गर्ने र ड्रोट्सले ढुवानी मात्र गर्ने बताउदै अन्य भ्रममान पर्न आग्रह समेत गरेका छन् ।

महिला पुरुष बालबालिका लगायत जुनसुकै उमेर समुहका व्यक्तिहरुलाई पनि क्षयरोग हुने भएको यसरोगको चेकजाँच देखि औषधीउपचार र पोषण भत्ता समेत नेपाल सरकारले निशुल्क सेवाप्रदान गरेका हुंदा सबैजनाले आफ्नो स्वास्थ्य परिक्षण गर्न सुझावदिएका छन् ।

सन् २०५० सम्म नेपालकाट क्षयरोग अन्त्य गर्ने उदेश्य अनुरुप नेपाल सरकारले कार्य अगाडी बढाएको सुवेदीले बताए । नेपालको सिंगो जनसख्यामध्ये आधा मानिस थोरै धेरै क्षयरोग (टिभी) को संक्रक्रमणमा परेको हुन सक्ने अनुमान गरिएको उनले बताए ।

गत आ.व.मा प्यूठान जिल्लामा ३ सय ८९ जना क्षयरोगका विरामी भेटिएको सुवादीले जनाकारी दिए । यसमध्ये प्यूठान नगरपालिकामा ८१ जना र स्वर्गद्धारी नगरपालिकामा ६१ जनाक्षयरोगकाविरामी छन् । क्षयरोग सरुवा रोग भएकोले एक जनाव्यक्तिले १० जना सम्मलाई सहज सार्ने सक्ने हुदाँ एक पटक सबैले स्वास्थ्य परिक्षण गरी औषधी सेवन गर्नु पर्ने उनलको भनाइ छ ।

प्यूठान जिल्लामा यस कार्यक्रममार्फत आधुनिक प्रविधिहरुको प्रयोग गरी क्षयरोगलाई निर्मुलीकरण गर्ने श्रदा आचार्यले बताए । क्षयरोगका विरामीहरु लगायत सबै समुदायमा क्षयरोग बारे शिक्षाप्रदान गर्ने र धेरै भन्दा धेरै विरामी पत्ता लगाइ उपचारका माध्यमबाट क्षयरोग निदान गर्न यस परियोजनाले सहयोग गर्ने उनले बताइन ।

ड्रोट्सबाट क्षयरोगलाई निदानपार्ने अपेक्षा
ड्रोट्स नेपाल परियोजना सञ्चालनले क्षयरोग नियन्त्रणका चुनौतीहरुलाई समाधान गर्ने अपेक्षा गरिएको छ । भौगलिक विकटताका कारण दुर्गम वस्तीका क्षयरोग विरामीहरु स्वास्थ्य सस्ंथानआउने, समय खर्चिलो हुने, बृद्धवृद्धाहरु हिड्न नसक्ने जस्ता समस्याभएकोले उपचारमा कठिनाइ देखिएको छ ।

यसकालागि स्वयमसेवीहरुलाई गाउँगाउँ पठाइ खकारको नमुनाजम्मा गर्ने र ड्रोट्सबाट औषधीखकार ढुवानी गरी समयमै रोग पत्ता लगाउन सकिने उपेक्षा गरिएको छ ।

ड्रोट्स कार्यक्रमले क्षयरोग, यसको रोगथाम र नियन्त्रण सम्बन्धि समुदायको जागरुपतामा बृद्धि गराउने, क्षयरोग पत्तालाग्ने दरमा बृद्धि, क्षयरोगको उपचार सफलता दरमा बृद्धि, क्षयरोग नियन्त्रण र व्यवस्थापनकालागि सम्बन्धित सरोकार वालाहरुको संलग्नतामा बृद्धि गरी क्षयरोग अन्त्य गर्ने उपेक्षा राखेको जिल्लाजनस्वास्थ्यकार्यलयले जनाएको छ ।

प्यूठान नगरपालिकाका नगरप्रमुख अर्जुन कुमार कक्षपतिको अध्यक्षतामा भएको ड्रोट्स नेपाल परियोजना अभिमुखकरणमा १० वटै वडाका वडा अध्यक्ष, स्वास्थ्यकर्मी, सुरक्षाकर्मी लगायतको उपस्थिित रहेको थियो ।आकासमा उडेर मेसिनभएकोले सुरक्षामाअलिचुनौतीहुने हुदा सम्पूर्ण जिल्लावासीलाई यसबारे तुरुन्तै जनाकारी गराउनु पर्ने सहभागीहरुले सुझावदिएका छन् ।
मन्त्रीले ड्रोट्सको उद्घाटन गर्ने
सामाजिकविकास मन्त्री सुर्दशन बरालले आइतबार अर्थात यही १९ गते प्यूठानबाटै ड्रोटस परियोजनको उद्घान गर्ने कार्यक्रम रहेको जिल्लाजनस्वास्थ्यअधिकृत विशाल सुवेदीले जानकारी दिए ।

नेपालमै पहिलो पटक भित्रिएको आधुनिकप्रविधिले भएको यसको बारे सवैजना नौलो नै भएकाले नगरवासी र जिल्लावासी सवैलाई जानकारी गराउनु पर्ने उनले बताए ।

स्रोत: अखबार खबर

चुरोट तथा सुर्तीजन्य पदार्थले कसरी फोक्सोमा असर गर्छ? यसले कसरी लिन्छ मान्छेको ज्यान?

आज विश्व धूमपान रहित दिवस। हरेक वर्ष विश्वर ३१ मे का दिन विभिन्न जनचेतनामूलक कार्यक्रमका साथ यो दिवस मनाइन्छ। यो वर्ष दिवसका लागि ‘सुर्ती र फोक्सो स्वास्थ्य’ भन्ने नारा रहेको छ। यो नाराले सुर्तीजन्य पदार्थले कसरी फोक्सोमा हानि गर्छ र यसले अरु विभिन्न केके रोगहरु निमत्याउँछ भन्ने कुरामा केन्द्रित रहेको छ।

नेपालमा बढी मात्रामा सुर्तीजन्य पदार्थ जस्तै चुरोट, पान, गुट्खा, पराग, बिँडी, हुक्का आदिहरु सेवन गरिन्छ। त्यसको सेवनले फोक्सोमा धेरै समस्या पार्छ। यसले  क्रोनिक अब्सट्रक्टिभ पल्मनरी डिजिज(सिओपिडी), आज्मा, क्षयरोग आदिको पनि जोखिम गराउँछ। 

धूमपानले शरीरको सबै अंगतिर असर गर्छ तर मुख्यतः असर गर्ने भनेको फोक्सोतिर हो। यसले स्नायुप्रणालीमा असर गर्छ। हृदयघात निम्त्याउन सक्छ। रगतमा ल्युकेमियाको समस्या, हड्डीको विकासमा पनि असर पर्छ। मांसपेशी सुक्दै जाने, थकान महसुस हुने, कमजोरी हुने आदि असर पार्छ। यसले मुख स्वास्थ्यमा पनि असर पार्न सक्छ। दाँत कमजोर हुनुका साथै गिजामा पनि समस्या ल्याउन सक्छ। धूमपानले हृदयघात, स्ट्रोक र मुटुको रोग २ देखि ४ गुणासम्म बढाउँछ। त्यसैगरी उच्च रक्तचाप र मधुमेह पनि बढाउँछ। त्यसैगरी बाथ र मोतियाविन्दुको समस्या पनि ल्याउन सक्छ। 

धूमपानले क्षयरोग गराउँछ। क्षयरोगले फोक्सोको कोष, तन्तुहरुमा असर गर्छ। त्यसका साथै फोक्सोको क्षमतामा असर गर्दिन्छ। क्षयरोग भएका बिरामीहरुले धूमपान गरिराखेमा फोक्सोको क्षमतामा ह्रास आउनुका साथै दोब्बर गतिमा जोखिम बढ्ने सम्भावना हुन्छ।

धूमपानले क्षयरोगको बिरामीलाई श्वासप्रश्वास बन्द गराइदिन्छ। त्यसले गर्दा फोक्सोको क्षमतामा ह्रास आउने, फोक्सोमा रहेको विभिन्न जीवाणुलाई आक्रमण गर्ने, निमोनिया हुने हुन्छ। यदि धूमपान नछोडे मृत्यु हुन सक्छ। संसारको एक चौथाइ भागमा सुषुप्त अवस्थामा रहेको क्षयरोग धूमपान गरिरहेका व्यक्तिलाई सक्रिय क्षयरोग देखिन सक्छ। 

बच्चाहरुमा पनि धूमपानको असर उत्तिकै पर्ने हुन्छ। 

धूमपान गरिरहेका व्यक्तिको नजिक बसेमा पनि धुवाँ धेरै लिइरहेको हुन्छ मान्छे। परिवारमा ठूलाबडाले धूमपान गर्दा बालबालिकाहरुलाई धुवाँले असर गरिरहेको हुन्छ नै बच्चाहरुले खान सिक्ने पनि हुन्छन्। सानैदेखि त्यसको प्रत्यक्ष सम्पर्क रहिरने बच्चामा शारीरिक विकासमा समस्या हुने, श्वासपश्वासको संक्रमण हुने, निमोनिया, ब्रोन्किाइटिस, आज्मा लगायतका समस्या देखिन्छन्। बाल्यवस्थामा धूमपानसँग प्रत्यक्ष सम्पर्कमा रहने बच्चालाई ४५ उमेरदेखि सिओपिडी देखिन सक्छ। 

त्यसैगरी धूमपान गर्ने गर्भवती महिला तथा धूमपान गर्ने व्यक्तिको नजिक रहँदा पनि उनीहरुलाई असर पर्दछ। गर्भमा विकास भइरहेको भ्रुणमा फोक्सोको विकासमा अवरोध पुग्न सक्छ। साथै मिस्क्यारिज हुने सम्भावना बढाउने र महिना नपुग्दै जन्मिने पनि हुन सक्छ। जन्मिने त्यस्ता बच्चामा निमोनिया, आज्मा, देखिन्छ नै तिनीहरुमा ठूलो भएपछि सिओपिडी जस्ता दीर्घखालका दम खोकीहरु लाग्न सक्छ। 

धूमपानमा ७ सय प्रकारको हानिकारिक रसायन हुन्छन् जसमा ६९ प्रकारका क्यान्सर जन्य रसायन नै छन्। धूमपानको धुवाँले वायु प्रदूषणलाई बढावा दिन्छ। त्यसैगरी धूमपानको धुँवा जब हावामा जान्छ त्यो ५ घन्टा सम्म रहिरहन्छ, उडिरहेको हुन्छ। मान्छेले सास लिरहँदा मानिसको फोक्सोमा सिधै जान्छ। यसले गर्दा पनि क्यान्सर अनि अन्य श्वासप्रश्वासको रोग बढाइरहेको छ। जुन नसर्ने रोगका प्रमुख कारणहरु बनिरहेका छन्। 

विश्व स्वास्थ्य संगठनको पछिल्लो अध्ययनका अनुसार सूर्तीजन्य पदार्थ तथा धूमपानले ४ सेकेन्डमा एक जनाको मृत्यु गराउँछ। धूमपानका कारण विश्वभर वार्षिक ८० लाख मानिसको मृत्यु हुने गरेको तथ्यांकले देखाएको छ। सेकेन्ड ह्यान्ड स्मोकबाट १० लाख मानिसको हरेक वर्ष मृत्यु हुने गरेको छ। त्यसैगरी धूमपान नगर्ने भन्दा धूमपान गर्ने व्यक्तिलमा फोक्सोको क्यान्सर २२ गुणाले बढी रहेको छ। 

नेपालमा यकिन तथ्यांक नभए पनि विभिन्न अध्ययनका अनुसार २५ देखि ३० हजार व्यक्ति विभिन्न सुर्तीजन्य पदार्थबाट बर्सेनि मृत्युको सिकार भइरहेका छन्। नेपालमा क्यान्सरले मृत्यु हुनेमा फोक्सोको क्यान्सर पहिलो नम्बरमा आउँछ। 

खोकी लाग्ने, साँस फेर्न गाह्रो हुने, अत्यधिक छाती दुख्ने, रगत खोक्ने आदि भयो भने फोक्सोमा समस्या आएको मान्नुपर्छ। त्रिवि शिक्षण अस्तपालमा आउने दीर्घ खालका दम, खोकी, आज्मा, निमोनिया, साधारण रुघाखोकी बढी आउँछन्। 

मंगलबार र बिहीबार ओपिडी छ। सम्बन्धित दिन २ सयको हाराहारीमा बिरामीहरु आउँछन्। जसमध्ये २ सय धूमपानकै समस्याबाट पीडित भएर आएका हुन्छन्। इमरजेन्सीबाट भर्ना हुनेमा धेरै जसो सिओपिडीकै छन्। भर्ना हुनेमा ८० देखि ९० प्रतिशत धूमपानकै बिरामी छन्। 

अहिले नेपालमा १२–१३ वर्ष उमेरबाट स्कुल देखि कलेजका विद्यार्थीहरुमा ‘स्मोकिङ ह्याबिट’ बढेको छ। उनीहरुलाई धूमपान गरेको १० देखि २५ वर्षपछि असर गर्छ। 

कसैले धूमपान छोड्न चाहिरहेको छ भने आजै छोड्नुस्। बिस्तारै छोड्छु भन्यो भने त्यो सकिँदैन। कसैकसैमा मैले चुरोट एकैचोटि छोड्यो भने मृत्यु हुने भन्ने गलत धारणा बोकेको भेटाएको छु तर त्यो होइन चुरोट छोडेपछि केही दिन गाह्रो हुन्छ तर त्यो गाह्रोपन दुई हप्तामा हराएर जान्छ। निद्रा नलागेर धूमपान गरेको, साथीहरुको लहैलहैमा, देखासिकी गरेर खाएको भन्छन्। धूमपान छोड्ने इच्छा छ भने पहिला सुरुमा छोड्ने दृढ इच्छाशक्ति हुनुपर्‍यो। चपाउने बानी छ भने ल्वांग, सकुमेल चपाउन सकिन्छ।  

नेपालमा पहिले निकोटिन रिप्लेसमेन्ट थेरापी थियो तर सायद अहिले छैन। धूमपान छोड्नको लागि चुइगम, स्प्रे, ट्याबलेट आदि आउँथ्यो। 

धूमपानले सबैभन्दा भयानक रुप लिने भने फोक्सोको क्यान्सर नै हो। क्यान्सरको लक्षण लिएर आउने धेरै जसो अन्तिम स्टेजका मात्र छन्। एक या दुई स्टेजमा आए अपरशेन गरेर निको बनाउन सकिन्छ। धूमपान गरिरहेका व्यक्तिले धूमपान छोडेमा उसको आयु १० वर्ष बाँच्न सक्छ।  

सरकारले सुर्तीजन्य पदार्थमा करहरु बढाउने, सार्वजनिक स्थलमा धूमपान गर्न नपाउने, मानिसहरुमा जनचेतना बढाउने, मासमिडियाबाट जनचेतना फैलाउने, स्वास्थ्य शिक्षा दिने, धूमपान विक्रि,वितरण र किनबेचमा कडाइ गर्ने आदि कुरामा ध्यान दिइयो भने धेरै मानिसहरुको मृत्युको मुखबाट बच्न सक्छन्। 

प्रमुख रुपमा त सुर्तीजन्य पदार्थहरु लिँदै नलिने। त्यसैगरी आफ्नो साथीभाइ, परिवारले खान्छन् भने खान नदिने वा नजिक नबस्ने गर्नुपर्छ। श्वासप्रश्वासमा ध्यान दिन स्वच्छ वातावरण रोज्ने, उच्च प्रोटिन डाइटहरु खाने, पोषणयुक्त खाना खानुपर्दछ। धूमपान छोडेमा फोक्सोको क्यान्सरबाट धेरै हदसम्म बच्न सकिन्छ। 

– पल्मोनरी एवं क्रिटिकल केयरका विशेषज्ञ डा बम त्रिवि शिक्षण अस्पतालका उपप्राध्यापक हुन्

(बुनु थारुसँगको कुराकानीमा आधारित)

Source:swsthyakhabar.com

एजेन्सी :-स्याउजत्री छोरी जन्मेपछि डाक्टरले उनलाई भने- दुनियाँमा ऊ एक घन्टाका लागिमात्र छे

जतिबेला उनले यो धर्ती देखिन्। उनी एउटा ठूलो स्याउको दानाजत्री थिइन्। उनको तौल २ सय ४५ ग्राममात्र थियो।

सामान्य बच्चा आमाको पेटमा झन्डै ४० साता बस्छन्। तर उनी २३ सातामै बाहिर आइन्। भिडिओ एक्सरेमा गर्भमा रहेको बच्चा नबढेको र यसले आमाको स्वास्थ्यलाई असर पार्ने देखिएपछि अपरेशन गरेर उनलाई बाहिर निकालिएको थियो।

गत डिसेम्बरमा उनी जन्मिएपछि डाक्टरले उनका बुवालाई भने- तपाईंकी छोरी जन्मेकी छन्!  तपाईं एक घन्टाका लागिमात्र उनीसँग हुनहुन्छ। त्यसपछि उनी बाँच्ने छैनन्।

डाक्टरले भनेको त्यो एक घन्टा बित्यो, दुई घन्टा बित्यो, दिन बित्यो अनि महिना पनि बित्यो।

ती स्याउजत्री छोरीले डाक्टरलाई गलत सावित गरिन् र आफ्ना बाबुआमाको आँखामा हेरिरहिन्।

पाँच महिनापछि उनी स्वस्थ्य बच्चा बनेर अस्पतालबाट घर फर्किएकी छन्।

आमाबुवाले उनको नाम सार्वजनिक गरेका छैनन्। अस्पतालमा हुँदा स्टाफहरूले उनको नाम सेबाई राखिदिएका थिए।  सेबाईको कथा अमेरिकाको सान डिएगोस्थित एक अस्पतालले बुधबार सार्वजनिक गरेको छ।

सेबाई अहिले दुई किलोग्रामकी छन्। इओवा विश्वविद्यालयले उनलाई कम तौल भएर बाँच्ने संसारकै पहिलो बच्चा भनेको छ। यसअघि सन् २०१५ मा जर्मनी २ सय ५२ ग्राम तौलको बच्चा जन्मिएको थियो।

अस्पतालले बनाएको भिडियोमा उनकी आमाले सेबाई जन्मेको दिन जिन्दगीकै सबैभन्दा डरलाग्दो दिन भएको बताएकी छन्।

‘अपरेशन कक्षमा पुगेपछि पनि मैले उनीहरू (डाक्टर) लाई भनेकी थिएँ, यो बच्चा २३ साताको मात्रा भयो। ऊ बाँच्दैन होला,’ उनले भनेकी छन्।

सेबाई बाँचिन्। उनको तौल पनि विस्तारै बढ्यो। उनको ओछ्यानको छेउमा गुलाबी अक्षरमा लेखिएको थियो- ‘टाइनी बट माइटी’ अर्थात् सानी तर बलियी।

‘ऊ यति सानी थिई कि ओछ्यानमा मुस्किलले देखिन्थी,’ सेबाईको रेखदेख गरेकी नर्स एमा विस्टले भनेकी छन्।

सुत्केरी र बच्चाको स्वास्थ्यमा काम गर्ने मार्च अफ डायम्सकी मिसेल क्लिंगलेका अनुसार यस्तामध्ये धेरै बच्चा वर्षदिन कट्दैनन्।

तर सेबाईले अहिलेसम्म सबै बाधाहरूलाई छिचोलेकी छन्।

‘उनी पक्कै चामत्कारीक छन्,’ सेबाईको रेखदेख गरेकी अर्की नर्स किम नर्वीले भनेकी छन्।

नयाँ बजेट भाषणको चमत्कार।पालिकाहरुले एम्बुलेन्स खरीद गर्दा लाग्ने भन्सारमा ९९ प्रतिशत छुट

काठमाडौँ, १६ जेठ । सरकारले स्थानीय तहले खरीद गर्ने एम्बुलेन्सको भन्सार महशुलमा ९९ प्रतिशत छुट दिने घोषणा गरेको छ ।

बुधबार अर्थमन्त्री डा युवराज खतिवडाले संसदमा प्रस्तुत गरेको बजेट बक्तव्यमा स्वास्थ्य तथा जनसंख्या मन्त्रालयको सिफारिसमा पालिकाहरुले खरीद गर्ने एम्बुलेन्समा १ प्रतिशत मात्रै भन्सार महशुल लिइने उल्लेख छ ।

बजेटमा यस्तो सुविधा मन्त्रालयको सिफारिसमा गाँउपालिकाले २ वटा, नगरपालिकाले तीनवटा र उपमहानगर तथा महानगरपालिकाले चार वटासम्म एम्बुलेन्स गर्दा पाइने उल्लेख छ ।

यो छुटले एम्बुलेन्स खरीदको लागत मूल्यमा कमी हुने देखिएको छ ।

सिनियर डाक्टरको ‘दुर्व्यवहार’पछि डाक्टर पायलले गरिन् आत्महत्या, घटनामा संलग्न तीन जना डाक्टर पक्राउ

बिबिसी – मुम्बईको एक सरकारी अस्पतालमा विशेषज्ञ तह अध्ययनरत डाक्टर पायल तडवीले आत्महत्या गरेकी छिन्। डा पायलको परिवारले सिनियरले गरेको दुव्र्यवहार सहन नसकेर पायलले आत्महत्या गरेको आरोप लगाएका छन्।

उनको आत्महत्यापछि प्रहरीले तीन जना डाक्टरलाई पक्राउ गरेको छ। पक्राउ परेका डाक्टरसँग यो विषयमा अनुसन्धानको काम भइरहेको मुम्बई प्रहरीले जनाएको छ।

डा पायलले मे २२ तारिखमा आत्महत्या गरेकी थिइन्। उनकी आमा आबेदा तडबीले पक्राउ परेका तीन जना डाक्टरले छोरीलाई केही महिनादेखि दुःख दिँदै आइरहेको बताएकी छिन्।

मेडिकल कलेजका तीनजना वरिष्ठ आवासीय डाक्टरले उनीविरुद्ध जातीय विभेदका शब्दको प्रयोगको गरेको आरोप लागेको छ। जातीय विभेदलाई लिएर उनलाई दुर्व्य वहार गरेका थिए। परिवारले उनीहरुको दुर्व्यव्यवहारका कारण आजित भएर पायलले आत्महत्या गरेको दावी गरेका छन्।

मुम्बई प्रहरीले यो विषयमा नियन्त्रणमा लिएका तीन डाक्टरलाई अत्याचार विरोधी, र्‍यागिङ विरोध र सूचना प्रविधि ऐन अनुसार मुद्धा दर्ता गरेको छ। 

प्रहरी नियन्त्रणमा रहेका डाक्टरहरुले भने अरोपको खन्डन गरेका छन्। उनीहरुले आवासिय चिकित्सकहरुको संस्थामार्फत यो विषयमा निष्पक्ष जाँच गर्न माग गरेका छन्। 

उत्तरी महाराष्ट्रको जल गाउँकी पायल ताडावी टोपीवाला मेडिकल कलेजमा गाइनोकोलोजिष्ट अर्थात प्रसूति तथा स्त्री रोग विशेषज्ञ विषय पढिरहेकी थिइन्। आफ्नो पढाई पूरा गरिसकेपछि उनले आदिवासी क्षेत्रमा काम गर्ने सोच बनाएकी थिइन्। 

उनले पश्चिम महाराष्ट्रको मीराज(सांगली मेडिकल कलेजबाट एमबिबिएस अध्ययन गरेकी थिइन्।

उनी पिछडिएकी वर्गकी भएका कारण उनले आरक्षण कोटामा भर्ना भएकी थिइन्।

कलेजका डिन डा रमेश भरमालका अनुसार घटनाको भोलिपल्ट नै एन्टी रैङ्गिग समितिले नियमानुसार अनुसन्धान सुरु गरिसकेको छ। समितिले २५ जनाको बयान समेत लिइसकेको छ। 

पायलकी आमा आबेदा ताडावीले बीवाईएल नायर अस्पतालका डिनलाई यस सम्बन्धी लिखित उजुरी समेत दिएकी थिइन्। ‘म यसअघि नै उजुरी दिनेवाला थिएँ तर पायलले मलाई रोकेकी थिइन्, उसलाई डर थियो उनीहरुविरुद्ध उजुरी दियो भने आफूप्रति झन धेरै दुर्व्यवहार हुन्छ, जसका कारण मैले आफूलाई रोकेकी थिएँ’ उनले उजुरीमा लेखेकी छिन्।

गरीब र पिछडिएको परिवारबाट आएकी पायलले मेडिकल शिक्षामा सफलता हासिल गरिरहेकी थिइन्। आफ्नी छोरीप्रति गर्व महसुस भइरहेको आबेदाले बताएकी छिन्।

वरिष्ठ महिला डाक्टरहरुले बिरामीका अगाडि पायलको बेइज्जत गर्ने गरेको बताएकी छिन्। उनले भनिन्, ‘यसका कारण मेरी छोरीमाथि मानसिक दबाब परिरहेको थियो।’ आफ्नो मानसिक स्वास्थ्यलाई लिएर पायल चिन्तित भएको आबेदाले बताएकी छिन्। यतिमात्र नभएर पायलले आफ्नो विभाग समेत परिर्वतन गर्ने सोच बनाएकी थिइन्।

पायलका साथ काम गरिरहेका अन्य डाक्टरहरुले सोसल मिडियामा रिसले भरिएका गुनासा व्यक्त गर्नुका साथै अभियुक्त डाक्टरहरुविरुद्ध कडा कारवाहीको माग गरेका छन्।

स्वास्थ्यका लागि कतिको पोषिलो निगुरो साग ?हेर्नुहोस फाइदै फाइदा। जानिराखाैँ अनि सबैमाझ सेयर गरौं ।

वर्षा लागेको छ । यतिबेला बनजंगलमा च्याउ, निगुरो पाइन्छ । कतिपयले जंगलबाट खोजेरै तरकारीको छाक टार्ने गर्छन् । कतिपयले निगुरो, च्याउ बेचेर पैसाको जोहो पनि गर्छन् ।

निगुरो रोप्न पर्दैन । बनजंगलमा आफै पलाउँछ । यो उन्यु प्रजातिको घाँस हो । पहाड र तराई सबैतिरको जंगलमा निगुरो पाइन्छ । तर, यसको जातमा केही भिन्नता हुन्छ । साथै स्वाद पनि फरक हुन्छ । तुलनात्मक रुपमा पहाडको जंगलमा पाइने निगुरो बढी स्वादिलो हुन्छ ।

निगुरोलाई कतिपय ठाउँमा न्युरो वा निहुरो पनि भनिन्छ । पहाडमा कालो निगुरो बढी रुचाइन्छ । यसैगरी तराईमा हरियो । निगुरो यतिबेलाको मौसमी सागसब्जी हुन् । बनजंगलमा आफै उम्रने भएकाले यसमा कुनै रासयनिक मल वा विषादी प्रयोग हुँदैन । अर्थात, यो पूर्णत जैविक हुन्छ ।

अहिले हामीले खाने धेरैजसो सागसब्जी विषादी मिसाइएको हुन्छ । व्यवसायिक ढंगले उत्पादन गरिएका सागसब्जीमा रासयनिक मल, किटनासक औषधी प्रयोग गरिन्छ । यस्ता सागसब्जी फलाउन, बढाउन, भण्डारण गर्न पनि रसयान वा विषादी मिसाउने गरिन्छ ।

कसरी खाने ?

निगुरो तरकारीको रुपमा प्रयोग गरिन्छ । नेपालीको सायदै यस्तो भान्सा होला, जहाँ निगुरो पाकेको छैन । वर्षायाम लागेसँगै कतिले बनजंगलबाट खोजेर र कतिले बजारबाट किनेर निगुरो पकाउने गर्छन् । निगुरोलाई भुटेर वा आलुसँग मिसाएर पनि सेवन गर्न सकिन्छ ।

कति पोषिलो ?

निगुरो खानुको फाइदै फाइदा छन् । आफै बनजंगलमा गएर खोज्ने हो भने भान्साको खर्च कटौती हुने भयो । बनजंगलमा उम्रिएका हुनाले यो जैविक र मौसमी तरकारी पनि हो । पोषणविद्हरुले निगुरो पौष्टिकताले भरिपूर्ण रहेको बताउने गर्छन् । निगुरोको सेवन स्वास्थ्यका लागि फाइदाजनक रहेको उनीहरुको भनाई छ ।

के हुन्छ त निगुरोमा ?

पोषणविद्हरु भन्छन्, ‘यसमा प्रोटिन, क्याल्सियम, भिटामिन ए लगायतका पोषकतत्व पाइन्छ ।’ बालबालिका र गर्भवती महिलालाई त निगुरो अरु बढी लाभदायक छ । किनभने निगुरोको तरकारी सेवन गरिहरहँदा भिटामिन प्राकृतिक रुपमै प्राप्त हुन्छ । अतिरिक्त भिटामिनको चक्की चपाइरहनु पर्दैन । पोषणविदहरुले यसमा कोलेस्ट्रोल एवं बोसोजन्य पदार्थ नपाईने भएकाले कुनैपनि किसिमको हानी नहुने बताएका छन् ।

तर, सर्तक हुनुपर्छ

निगुरो जस्तै देखिने सबै वनस्पति खान लायक भने हुँदैन । कतिपय निगुरो जस्तै देखिने वनस्पति विषाक्त हुन्छ । निगुरोको तरकारी टिपेर खाँदा कतिपय विरामी परेको खबर पनि बारम्बार आउने गर्छ । त्यसैले आफुले चिनेको अवस्थामा मात्र निगुरो खोज्ने, टिप्ने वा किन्ने गर्नुपर्छ ।

हामीले केहि सम्बन्धित थप जानकारी दिइएका छाै

हाम्रो भोजन कसरी बनाउने सन्तुलित ?

शरीरलाई आवश्यक पर्ने सम्पूर्ण पोषक तत्व आवश्यक मात्रामा रहेको भोजनलाई सन्तुलित भोजन भनिन्छ। मानिसको शरीरलाई स्वस्थ्य राख्न विभिन्न पोषक तत्वको आवश्यकता पर्छ। शरीरलाई आवश्यक पोषक तत्वहरू कार्बोहाइड्रेड, प्रोटिन, फ्याट, भिटामिन, खनिज पदार्थ तथा पानी हुन्। एउटै मात्र खानाले शरीरमा चाहिने सम्पूर्ण पोषक तत्व प्राप्त गर्न सकिँदैन। त्यसैले विभिन्न थरिका खानेकुरा खानुपर्ने हुन्छ जसले गर्दा शरीरलाई चाहिने सम्पूर्ण पोषक तत्वहरु आवश्यक मात्रामा पूर्ति हुने गर्छ।

सन्तुलित भोजनले हाम्रो शरीरका कोष तथा तन्तुलाई राम्रोसँग काम गर्न सघाउने भएकाले हाम्रो शरीर स्वस्थ रहन्छ। सन्तुलित भोजन प्राप्त नभए विभिन्न रोग लाग्ने, छिटो थकान महसुस हुने साथै शरीरको कार्यक्षमता घट्छ। बालबालिकाले सन्तुलित भोजन नपाए उनीहरुको वृद्धि विकासमा समस्या आउँछ। सन्तुलित भोजनको अभावमा मुटु सम्बन्धी रोग, क्यान्सर, मधुमेह, स्ट्रोक, रत्नधो, गलगाँड, रक्तअल्पता जस्ता रोग लाग्छन्।

हामीले खाने क्यालोरी र खर्च गर्ने क्यालोरी दैनिक रूपमा बराबर हुनुपर्छ। हाम्रो तौल, उमेर, लिङ्ग, श्रम आदिका आधारमा कसैलाई धेरै क्यालोरी चाहिन्छ भने कसैलाई अलि कम भए पुग्छ। हामीले खाने क्यालोरी र खर्च गर्ने क्यालोरी दैनिक रूपमा बराबर नभएमा स्वास्थ्यमा नकारात्मक असर गर्छ। क्यालोरी धेरै भएमा हाम्रो शरीरमा बोसोका रूपमा जम्मा हुने र नकारात्मक असर गर्छ भने कम क्यालोरीले शरीर दुब्लो हुँदै गएर कमजोरी बढ्नेछ।

कसरी बन्छ सन्तुलित भोजन ?

हामीले सन्तुलित भोजनका लागि हार्भड स्कुल अफ पब्लिक हेल्थ र हार्भड मेडिकल स्कुलका विशेषज्ञले तयार पारेको ‘हेल्दी इटिङ’ (सन्तुलित भोजन) प्लेटको प्रयोग गर्न सक्छौँ। हेल्दी इटिङ प्लेटमा शरीरलाई आवश्यक पर्ने कार्वोहाइड्रेड, प्रोटिन, चिल्लो पदार्थ, भिटामिन, खनिज तथा पानी आवश्यक मात्रामा मिलाएर राखिएको छ। कार्वोहाइड्रेडको मुख्यस्रोत अन्न, प्रोटिनको मुख्य स्रोत गेडागुडी, माछा, कुखुराको मासु, अण्डा, दूधजन्य पदार्थ हुन् भने भिटामिन, खनिज पदार्थका मुख्य स्रोतहरू सागपात तथा फलफूल हुन्।

सागपात तथा फलफूल

हामीले खाने खानाको आधा भाग सागपात तथा फलफूल हुनुपर्छ। सागपात तथा फलफूलबाट हाम्रो शरीरलाई आवश्यक पर्ने भिटामिन तथा खनिज पदार्थ पाइन्छ। सगपातहरूमा लट्टे, पालुङ्गो, मेथी, रायो, मुलाको साग, चम्चुर, सिस्नो, निगुरो, सिमिसाग, तोरिको साग आदि खान सकिन्छ। यस्तै, आँप, अम्बा, केरा, स्याउ, एभोकाडो, किवी, अनार, कटहर, सुन्तला, नस्पाति, मौसम, अङ्गुर, आलुबखडा, स्ट्रबेरी, लिची, मेवा, आरू, काफल, नरिवल, खर्बुजा लगायतका फलफूल मौसमअनुसार खानुपर्छ।

अन्न

हामीले खाने खानामा चार भागको एक भाग अन्न हुनुपर्छ। अन्नबाट हाम्रो शरीरले मुख्य गरेर कार्वोहाइड्रेड पाउँछ। कार्वोहाइड्रेडका मुख्य स्रोतहरू चामल, गँहु, मकै, फापर, कोदो, जौँ, आलु, सख्खरखण्ड आदि हुन्। सकेसम्म कम प्रशोधित अन्नको प्रयोग गर्नु राम्रो हो। जस्तो, नफलेको चामल, प्रशोधन नगरिएको गँहुको पिठोको परिकार आदि।

प्रोटिन

हामीले खाने खानामा चार भागको अर्को एक भाग प्रोटिनजन्य खानेकुरा हुनुपर्छ। प्रोटिनले शरीरको विकासमा सहयोग गर्छ। मुख्यगरी गेडागुडीमा बढी मात्रामा प्रोटिन पाइन्छ। भटमास, चना, केराउ, सिबी, बोडी, बदाम, राजमा, मास, मसुरो, रहर आदि गेडागुडीका साथै माछा, कुखुराको मासु, अण्डा, दूधजन्य पदार्थमा पनि प्रोटिनके मात्रा बढी हुन्छ। दूध तथा दही भने दैनिक दुई सयदेखि चार सय मिलिलिटर मात्र खानुपर्छ। सकेसम्म रातो मासु, फ्राइ गरेका तथा तेलमा तारेका खानाहरू खानु हुँदैन।

चिल्लो पदार्थ

हाम्रो खानामा केही मात्रा स्वस्थ चिल्लो पदार्थ पनि आवश्यक पर्छ। चिल्लो पदार्थले शरीरलाई शक्ति दिनुका साथै विभिन्न भिटामिनलाई घुलाउन सहयोग गर्छ। चिल्लो पदार्थका लागि शुद्ध तोरिको तेल, जैतुनको तेल, सूर्यमुखि तेल, बदामको तेल प्रयोग गर्नु पर्दछ। घ्यु तथा वनस्पति घ्यु सकेसम्म कम प्रयोग गर्नु राम्रो।

पानी

पानी शरीरका लागि नभई नहुने तत्व हो। शरीरलाई दैनिक ६ देखि ८ गिलास पानीको आवश्यकता पर्छ। पानीको केही मात्रा चिया, कफी, दूध, फलफूल, सागपातबाट पनि पूरा हुन्छ। चिया अथवा कफी खाँदा चिनीको प्रयोग नगर्ने अथवा कम गर्नु स्वास्थ्यका दृष्टिकोणले राम्रो हो।

व्यायाम

स्वस्थ रहनका लागि सन्तुलित भोजनसँगै शारीरिक व्यायाम पनि चाहिन्छ। विश्व स्वास्थ्य संगठनका अनुसार दैनिक एक घण्टा पसिना आउनेगरी

हिँड्नुपर्छ। हिँडाइसँगै अन्य शारीरिक गतिविधि पनि गर्न सकिन्छ। यदि स्वास्थ्यमा कुनै समस्या छ भने शारीरिक व्यायाम चिकित्सकको सल्लाह अनुसार मात्र गर्नुपर्छ।

सन्तुलित भोजनका लागि केही सुझाब

१. नुन दैनिक ३ देखि ५ ग्राम मात्र प्रयोग गर्ने।

२. सकेसम्म फलफूल, सागपात, गेडागुडी र फाइबरयुक्त खाना बढी खने।

३. स्वस्थ्यका लागि धेरैपटक थोरैथोरै गरेर खानु राम्रो। बिहान–बेलुका एकै पटक धेरै मात्रामा खाना खानु स्वास्थ्यका हिसाबले उति राम्रो मानिँदैन।

४. हामीले खाने क्यालोरी र खर्च गर्ने क्यलोरी बराबर हुनुपर्छ। जसले गर्दा स्वस्थ रहन र तौल नियन्त्रण गर्न सहयोग मिल्छ।

५. फ्याटको मात्रालाई सकेसम्म कम गर्नु पर्दछ। वनस्पति स्रोतको फ्याट शरीरलाई लाभदायक हुन्छ।

६. बासी, सडेगलेको, फोहोर खानेकुरा खानु हुँदैन।

७. बेलुकाको खाना ७ बजेभन्दा अगाडि खानुपर्छ। खाना खाएको १–२ घण्टापछि मात्र सुत्नुपर्छ।

८. शुद्धीकरण गरिएको पानी मात्र पिउनुपर्छ।

९. सकेसम्म कम प्रशोधित अन्न खाने। घरमा बनाएको खाना प्रयोग गर्ने। सेतो चिनीको कम प्रयोग गर्नु पर्दछ।

१०. धूमपान तथा मध्यपानको सेवन नगर्ने।

११. गर्भावस्था तथा सुत्केरी अवस्थामा केही बढी पौष्टिक तत्व आवश्यक पर्ने भएकाले थप खाना खानु पर्छ।

१२. शिशुलाई ६ महिनासम्म आमाको दूध मात्र खुवाउने र ६ महिनापछि थप तथा पूरक खाना खुवाउने।

नोट: माथि उल्लेखित स्वास्थ्य सम्बन्धी जानकारीहरु विभिन्न अनलाइन तथा पत्र-पत्रिकाहरुबाट साभार गरिएको हो । मानिसको शारिरिक अवस्था र समय अनुसार पनि माथि उल्लेखित कुराहरुको उपलब्धी फरक पर्छ । सम्पुर्णरुपमा यहि कुरामा मात्रै भर नपर्नुहोला । माथि उल्लेखित कुराहरु प्रयोग गर्दा तपाईको स्वास्थ्यमा थप खराबी देखिए, कृपया तुरुन्त रोकेर स्वास्थ्यकर्मीहरुसँग सल्लाह लिनुहोस् ।